Hanuman Chalisa in Hindi and English

Hanuman Chalisa

॥दोहा॥

श्रीगुरु चरन सरोज रज निज मनु मुकुरु सुधारि । बरनउँ रघुबर बिमल जसु जो दायकु फल चारि ॥
बुद्धिहीन तनु जानिके सुमिरौं पवन-कुमार । बल बुधि बिद्या देहु मोहिं हरहु कलेस बिकार ॥

Shri Guru Charan Sarooja-raj Nija manu Mukura Sudhaari
Baranau Rahubhara Bimala Yasha Jo Dayaka Phala Chari
Budhee-Heen Thanu Jannikay Sumirow Pavana Kumara
Bala-Budhee Vidya Dehoo Mohee Harahu Kalesha Vikaara

॥चौपाई॥

जय हनुमान ज्ञान गुन सागर । जय कपीस तिहुँ लोक उजागर ॥१॥
Jai Hanuman gyan gun sagar, Jai Kapis tihun lok ujagar

राम दूत अतुलित बल धामा । अञ्जनि-पुत्र पवनसुत नामा ॥२॥
Ram doot atulit bal dhama, Anjaani-putra Pavan sut nama

महाबीर बिक्रम बजरङ्गी । कुमति निवार सुमति के सङ्गी ॥३॥
Mahabir Bikram Bajrangi, Kumati nivar sumati Ke sangi

कञ्चन बरन बिराज सुबेसा । कानन कुण्डल कुञ्चित केसा ॥४॥
Kanchan varan viraj subesa, Kanan Kundal Kunchit Kesha

हाथ बज्र औ ध्वजा बिराजै । काँधे मूँज जनेउ साजै ॥५॥
Hath Vajra Aur Dhuvaje Viraje, Kaandhe moonj janehu sajai

सङ्कर सुवन केसरीनन्दन । तेज प्रताप महा जग बन्दन ॥६॥
Sankar suvan kesri Nandan, Tej prataap maha jag vandan

बिद्यावान गुनी अति चातुर । राम काज करिबे को आतुर ॥७॥
Vidyavaan guni ati chatur, Ram kaj karibe ko aatur

प्रभु चरित्र सुनिबे को रसिया । राम लखन सीता मन बसिया ॥८॥
Prabu charitra sunibe-ko rasiya, Ram Lakhan Sita man Basiya

सूक्ष्म रूप धरि सियहिं दिखावा । बिकट रूप धरि लङ्क जरावा ॥९॥
Sukshma roop dhari Siyahi dikhava, Vikat roop dhari lank jarava

भीम रूप धरि असुर सँहारे । रामचन्द्र के काज सँवारे ॥१०॥
Bhima roop dhari asur sanghare, Ramachandra ke kaj sanvare

लाय सञ्जीवन लखन जियाये । श्रीरघुबीर हरषि उर लाये ॥११॥
Laye Sanjivan Lakhan Jiyaye, Shri Raghuvir Harashi ur laye

रघुपति कीह्नी बहुत बड़ाई । तुम मम प्रिय भरतहि सम भाई ॥१२॥
Raghupati Kinhi bahut badai, Tum mam priye Bharat-hi-sam bhai

सहस बदन तुह्मारो जस गावैं । अस कहि श्रीपति कण्ठ लगावैं ॥१३॥
Sahas badan tumharo yash gaave, Asa-kahi Shripati kanth lagaave

सनकादिक ब्रह्मादि मुनीसा । नारद सारद सहित अहीसा ॥१४॥
Sankadhik Brahmaadi Muneesa, Narad-Sarad sahit Aheesa

जम कुबेर दिगपाल जहाँ ते । कबि कोबिद कहि सके कहाँ ते ॥१५॥
Yam Kuber Digpaal Jahan te, Kavi kovid kahi sake kahan te

तुम उपकार सुग्रीवहिं कीह्ना । राम मिलाय राज पद दीह्ना ॥१६॥
Tum upkar Sugreevahin keenha, Ram milaye rajpad deenha

तुह्मरो मन्त्र बिभीषन माना । लङ्केस्वर भए सब जग जाना ॥१७॥
Tumharo mantra Vibheeshan maana, Lankeshwar Bhaye Sub jag jana

जुग सहस्र जोजन पर भानु । लील्यो ताहि मधुर फल जानू ॥१८॥
Yug sahastra jojan par Bhanu, Leelyo tahi madhur phal janu

प्रभु मुद्रिका मेलि मुख माहीं । जलधि लाँघि गये अचरज नाहीं ॥१९॥
Prabhu mudrika meli mukh mahee, Jaladhi langhi gaye achraj nahee

दुर्गम काज जगत के जेते । सुगम अनुग्रह तुह्मरे तेते ॥२०॥
Durgaam kaj jagath ke jete, Sugam anugraha tumhre tete

राम दुआरे तुम रखवारे । होत न आज्ञा बिनु पैसारे ॥२१॥
Ram dwaare tum rakhvare, Hoat na agya binu paisare

सब सुख लहै तुह्मारी सरना । तुम रच्छक काहू को डर ना ॥२२॥
Sub sukh lahae tumhari sar na, Tum rakshak kahu ko dar naa

आपन तेज सह्मारो आपै । तीनों लोक हाँक तें काँपै ॥२३॥
Aapan tej samharo aapai, Teenhon lok hank te kanpai

भूत पिसाच निकट नहिं आवै । महाबीर जब नाम सुनावै ॥२४॥
Bhoot pisaach Nikat nahin aavai, Mahavir jab naam sunavae

नासै रोग हरै सब पीरा । जपत निरन्तर हनुमत बीरा ॥२५॥
Nase rog harae sab peera, Japat nirantar Hanumant beera

सङ्कट तें हनुमान छुड़ावै । मन क्रम बचन ध्यान जो लावै ॥२६॥
Sankat se Hanuman chudavae, Man Karam Vachan dyan jo lavai

सब पर राम तपस्वी राजा । तिन के काज सकल तुम साजा ॥२७॥
Sab par Ram tapasvee raja, Tin ke kaj sakal Tum saja

और मनोरथ जो कोई लावै । सोई अमित जीवन फल पावै ॥२८॥
Aur manorath jo koi lavai, Sohi amit jeevan phal pavai

चारों जुग परताप तुह्मारा । है परसिद्ध जगत उजियारा ॥२९॥
Charon Yug partap tumhara, Hai persidh jagat ujiyara

साधु सन्त के तुम रखवारे । असुर निकन्दन राम दुलारे ॥३०॥
Sadhu Sant ke tum Rakhware, Asur nikandan Ram dulhare 

अष्टसिद्धि नौ निधि के दाता । अस बर दीन जानकी माता ॥३१॥
Ashta-sidhi nav nidhi ke dhata, As-var deen Janki mata

राम रसायन तुह्मरे पासा । सदा रहो रघुपति के दासा ॥३२॥
Ram rasayan tumhare pasa,Sada raho Raghupati ke dasa

तुह्मरे भजन राम को पावै । जनम जनम के दुख बिसरावै ॥३३॥
Tumhare bhajan Ram ko pavai, Janam-janam ke dukh bisraavai

अन्त काल रघुबर पुर जाई । जहाँ जन्म हरिभक्त कहाई ॥३४॥
Anth-kaal Raghuvir pur jayee, Jahan janam Hari-Bakht Kahayee

और देवता चित्त न धरई । हनुमत सेइ सर्ब सुख करई ॥३५॥
Aur Devta Chit na dharehi, Hanumanth se hi sarve sukh karehi

सङ्कट कटै मिटै सब पीरा । जो सुमिरै हनुमत बलबीरा ॥३६॥
Sankat kate-mite sab peera, Jo sumirai Hanumat Balbeera

जय जय जय हनुमान गोसाईं । कृपा करहु गुरुदेव की नाईं ॥३७॥
Jai Jai Jai Hanuman Gosahin, Kripa Karahu Gurudev ki nyahin

जो सत बार पाठ कर कोई । छूटहि बन्दि महा सुख होई ॥३८॥
Jo sat bar path kare kohi, Chutehi bandhi maha sukh hohi

जो यह पढ़ै हनुमान चालीसा । होय सिद्धि साखी गौरीसा ॥३९॥
Jo yah padhe Hanuman Chalisa, Hoye siddhi sakhi Gaureesa

तुलसीदास सदा हरि चेरा । कीजै नाथ हृदय महँ डेरा ॥४०॥
Tulsidas sada hari chera, Keejai Nath Hridaye mein dera

॥दोहा॥

पवनतनय सङ्कट हरन मङ्गल मूरति रूप । राम लखन सीता सहित हृदय बसहु सुर भूप ॥
Pavan Tanay Sankat Harana,  Mangala Murati Roop
Ram Lakhana Sita Sahita,  Hriday Basahu Soor Bhoop